Тез ёрдам машиналари «заправка»да навбат кутиб қолгани ортидан масъулларга чора кўрилди
Telegram мессенжеридаги каналларда Фарғонда тез ёрдам автомобилларининг метан заправкада навбатда тургани акс этган суратлар тарқалди. Вилоят Соғлиқни сақлаш бошқармаси воқеани тасдиқлаган.
Маълум бўлишича, 2023 йил 6 декабрь куни Республика тез тиббий ёрдам маркази Фарғона филиали Тошлоқ туман тез тиббий ёрдам станциясига қарашли жами 5 дона Damas русумдаги тез ёрдам автомашинаси соат 9:40 ларда Тошлоқ туманидаги метан газ қуйиш шохобчаси ишламай қолганлиги сабабли Марғилон шаҳридаги метан қуйиш шохобчасига газ қуйиш учун борган.
«У ерда тез тиббий ёрдам учун алоҳида йўлак ташкил этилганига қарамай, Марғилон шаҳар станциясига қарашли тез тиббий ёрдам автомашиналари билан бир вақтда келиб қолганлиги натижасида навбат юзага келган», – дейди масъуллар воқеани изоҳлар экан.
Вилоят ССБ ахборот хизматининг қўшимча қилишича, мазкур муаммо юзага келишига сабабчи бўлган мутасаддилар огоҳлантирилиб, уларга чора кўрилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter