Аввал хабар берганимиздек, НАТО бош котиби Йенс Столтенберг иштирокида режадан ташқари матбуот анжумани бўлиб ўтмоқда. НАТО украин ҳудудлари Россия томонидан ўзлаштириб олинишини қоралайди, бироқ алянс — низолашаётган томон эмас, таъкидлади бош котиб.

Столтенбергнинг бугунги матбуот анжуманидан иқтибослар:

• НАТО тўрт субъектнинг Россия таркибига киришини тан олмайди.
• Донецк, Луганск, Херсон, Запорожье, Қрим — бу Украина.
• Ҳар бир демократик давлат НАТОга ариза топширишга ҳақли, бироқ у ёки бу мамлакатнинг НАТОга аъзолик масаласи алянснинг барча 30 аъзо мамлакати қарори билан ҳал бўлади.
• Ҳозир биз Украинани НАТОга қабул қила олмаймиз.
• Урушишдан тўхтаса, Украина суверен давлат сифатида мавжудлигини йўқотади.
• Агарда ядро қуролини қўлласа, Россияни «жиддий оқибатлар» кутяпти.
• Бу Иккинчи жаҳон урушидан буён Европа ҳудудидаги энг йирик аннексиядир.

Бош котиб, шунингдек, Донбасс, Запорожье ва Херсоннинг РФ таркибига кириши НАТОнинг Украинани қўллаб-қувватлаш борасидаги қатъиятини ўзгартирмаслигини таъкидлади.