Шимолий Корея Пекин олимпиадасида қатнашмайди
КХДР COVID-19 пандемияси сабабли Пекинда бўлиб ўтадиган Қишки олимпиадада қатнашмайди. Бу ҳақда Корея марказий телеграф агентлиги хабар берди.
Шимолий Корея томонидан Пекин олимпиадаси ташкилотчиларига йўлланган хатда шундай дейилади: «Олимпия ўйинларида коронавирус пандемияси ҳамда душман кучлари (Ғарб давлатлари назарда тутиляпти — таҳр.)нинг хатти-ҳаракатлари сабабли қатнаша олмаймиз. Олимпия фестивалини ташкил этишда хитойлик ўртоқларни қўллаб-қувватлаймиз».
КХДР 2021 йили Токио мезбонлик қилган Олимпиадада ҳам иштирок этмаганди.
XXIV Қишки олимпия ўйинлари Пекинда 2022 йилнинг 4–20 февраль кунлари ўтказилиши режалаштирилган. АҚШ 2021 йилнинг 6 декабрь куни Пекин олимпиадасига дипломатик бойкот эълон қилди. Унга кўра, ХХРга АҚШдан расмий шахслар бормайди, америкалик спортчилар эса мусобақаларда иштирок этади. АҚШнинг ташаббуси Австралия, Буюк Британия ва Канада томонидан қўллаб-қувватланган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter