Россияда тожикистонликлар ва КХДР фуқаролари ўртасида оммавий муштлашув юз берди (видео)
Интернетда Россиянинг Краснодар ўлкасида бўлиб ўтган Тожикистон ва КХДР фуқаролари ўртасидаги оммавий муштлашув лавҳаси тарқалди. «Тургенев» номли комплексда бўлиб ўтган бу тартибсизликдан сўнг полиция 49 кишини ҳибсга олди.
Қурилиш майдонидаги муштлашувда ҳар икки тарафдан 20 нафардан ортиқ киши қатнашган. Кўпчилик четда томоша қилиб турган бўлса, айрим қурувчилар муштлашаётганларни ажратишга уринганлар.
Зиддият анчагина жиддий тус олганига қарамай ҳеч ким тиббий ёрдамга муҳтож бўлмагани ҳайратланарли. Чунки видеолавҳада ҳар икки тараф таёқлар, артамуралардан фойдалангани кўринаб турибди.
Таъкидлаш жоиз, вақти-вақти билан интернет ва бошқа ОАВда муҳожирларнинг турли миллат ёки гуруҳларга бўлиниб уюштирган жанжаллари ҳақидаги лавҳалар тарқалиб туради. Аммо Тожикистон ва КХДР фуқаролари ўртасидаги оммавий муштлашув илк бор юз берди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter