Рим папасини сайлашдан аввал кино кўрилди
«Конклав» (2024) филмидан кадр
Католик кардиналлари янги Папа сайлови олдидан «Конклав» филмини томоша қилишди. Бу ҳақда Politico нашри руҳонийлардан бирига асосланиб хабар берди.
Конклав, яъни Рим папаси сайланадиган кенгашда 133 нафар кардинал қатнашди. Уларнинг кўпчилиги учун бу илк тажриба, шу боис Рэйф Файнс бош ролни ўйнаган юқоридаги филм томошаси улар учун ўзига хос репетиция бўлди.
Католик черкови вакилларининг айтишларича, «Конклав» — ҳақиқий «ўқув қўлланмаси», чунки сайлов жараёни ипидан игнасигача кўрсатиб берилган. Филм Рим папаси Францискнинг ўлимидан бир неча ой аввал катта экранларга чиқарилган эди.
Эслатиб ўтамиз, кеча конклав янги Рим папасини сайлади — тарихда биринчи марта америкалик кардинал рим-католик черковига раҳбар бўлди. Роберт Прево Ватикан тахтига Лев XIV номи остида чиқди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter