Қўшнисиникига ўғриликка тушган аёллар қўлга олинди
Шу йил 16 июнь куни Наманган шаҳар Давлатобод туманида яшовчи, 1985 йилда туғилган фуқаро ариза билан мурожаат қилиб, шу куни соат 08:00 дан соат 16:00 гача бўлган вақт оралиғида яшаш хонадонида ҳеч ким йўқлигидан фойдаланган номаълум шахс дарвоза эшиги қулфини бузиб кириб, ётоқхонасидаги жавон ичида бўлган умумий нархи 7.000.000 сўмлик бир жуфт тилла балдоғини ўғирлаб кетганлигини маълум қилиб, чора кўришни сўраган. Бу ҳақда Наманган вилояти ИИБ Ахборот хизмати хабар бермоқда.
Давлатобод тумани ИИБ ЖҚБ тезкор вакиллари томонидан олиб борилган тезкор-қидирув ва суриштирув ҳаракатлари натижасида ушбу жиноятни Наманган шаҳрида яшовчи, 1995 йилда туғилган аёл ва 2002 йилда туғилган аёл қўшниси билан содир этганликлари аниқланган.
Ушбу ҳолат бўйича Давлатобод тумани ИИБ ҳузуридаги ТБ томонидан 2021 йил 25 июнь куни Жиноят кодексининг 169-моддаси 2-қисми билан жиноят иши қўзғатилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter