Андроид қурилмалар учун Xabar.uz мобил иловаси. Юклаб олиш ×

Қиролича Елизавета II даврида неча нафар давлат ва ҳукумат раҳбари алмашди (инфографика)

Қиролича Елизавета II даврида неча нафар давлат ва ҳукумат раҳбари алмашди (инфографика)

Инфографика: «Reddit»

Буюк Британия ва Шимолий Ирландия қироличаси Елизавета II тахтга ўтирганига бир кам 70 йил тўлди. «Reddit» сайтида эълон қилинган инфографикада Елизавета II тахтда пайти Буюк Британия, Германия, Франция, собиқ Иттифоқ/Россия ҳамда АҚШда неча нафар ҳукумат ва давлат раҳбарлари алмашгани кўрсатилган.

Елизавета II 1952 йилнинг 6 февралида Қўшма Қироллик тожини кийган.

Ёшгина Елизавета (25 ёшда) қиролича бўлганида дунё Черчилль, Сталин, Трумэн каби сиёсатчилар қўлида эди. Орадан 69 йил ўтди — 21 апрель куни 95 ёшини қаршилайдиган қиролича ҳамон тахтда.

Елизавета II даврида:

  • Буюк Британияда 15 нафар бош вазир алмашди: энг узоқ вақт «темир хоним» Маргарет Тэтчер (11 йил) ҳукуматни бошқарди, Тони Блэр ҳисобида эса 10 йил бор.
  • Германияда 8 нафар канцлер ўзгарди: ҳукумат тепасида энг кўп турганлар — Гелмут Кол (16 йил) ва ҳозирги канцлер Ангела Меркел (16 йил).
  • Франция тепасига 10 нафар президент келди: энг кўпи Франсуа Миттеран (14 йил) ва Жак Ширак (12 йил).
  • Ҳатто «кўп ўтириш»да донғи чиққан Собиқ Иттифоқ/Россия етакчиларининг кўрсаткичлари ҳам Елизавета II га солиштирилганда, арзимас рақамларга айланиб қолади: КПСС МҚ бош котиби Леонид Брежнев — 16 йил, Россия етакчилиги амалда (1999 йил 31 декабрида президентликни қабул қилган, ўртада 2008 — 2012 йилларда ҳукуматни бошқарган ва яна президентликка қайтган) 20 йилдан бери Владимир Путин қўлида. Жами 11 марта давлат раҳбари алмашган.
  • 20 январь куни инаугурацияси ўтказилган Жозеф Байден эса Елизавета II даврида АҚШ тепасига келган президентларнинг ўн тўртинчиси. Булар орасида яққол етакчи йўқ — энг кўп ўтирганлари 8 йил (Дуайт Эйзенхауэр, Роналд Рейган, Билл Клинтон, Жорж Буш (Кичик), Барак Обама).
Изоҳлар

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг