Ўзбекистон Республикаси Рақамли технологиялар вазирлиги кўмагида 15 нафар талаба, назорат органи ва Ўзбекистон олий ўқув юртлари вакиллари Seeds for the Future 2023 таълим дастурида иштирок этмоқда. Ижтимоий корпоратив масъулият доирасида ўтказилаётган флагман лойиҳасида бу йил Яқин Шарқ ва Марказий Осиёдан 175 нафар талаба бирлашди. Шунингдек, Доҳа шаҳридаги Seeds for the Future доирасида илғор АКТ технологияларини кенг жорий этиш орқали ёшларни ижтимоий муаммоларни ҳал қилишга жалб этишга қаратилган Tech4Good энг яхши лойиҳаси бўйича минтақавий танлов бўлиб ўтади.

2023 йил 3 сентябрь Қатар пойтахти Доҳа шаҳрида Яқин Шарқ ва Марказий Осиё мамлакатлари университетлари талабалари учун Seeds for the Future нуфузли таълим дастурининг очилиш маросими бўлиб ўтди. Қатар миллий анжуманлар марказида Seeds for the Future нинг биринчи босқичи бошланди. Лойиҳада Рақамли технологиялар вазирлиги кўмагида Ўзбекистоннинг еттита олий таълим муассасаси талабалари ҳам иштирок этмоқда.

Яқин Шарқ ва Марказий Осиёнинг етакчи университетларидан 175 нафар талабани Қатарда илк бор бирлаштирган минтақавий тадбир маҳаллий истеъдодларни ривожлантириш, билим алмашиш, АКТ соҳаси ҳақида хабардорликни ошириш ва ёш истеъдодларнинг рақамли ҳамжамиятини ривожлантиришдан иборат. Лойиҳа иштирокчилари Қатар, Саудия Арабистони, Қувайт, БАА, Баҳрайн, Қозоғистон, Покистон, Уммон, Иордания, Ливан, Ироқ, Озарбайжон, Мўғулистон ва Қирғизистон каби 15 давлатдан келган талабалардан иборат эди. Лойиҳада Ўзбекистонлик 15 нафар талаба билан бир қаторда Тошкент шаҳридаги Инҳа университети битирувчиси, 2022 йилги лойиҳа иштирокчиси, бу йил Глобал Амбассадор сифатида лойиҳани тақдим этувчи Нодира Тиллаева ҳам иштирок этмоқда. Дастур иштирокчилари Тошкент ахборот технологиялари университети, Тошкент шаҳридаги Инҳа университети, Тошкент шаҳридаги Амити университети, Тошкент халқаро таълим университети, Тошкент шаҳридаги Кимё халқаро университети, Тошкент шаҳридаги Турин политехника университетининг юқори курс талабаларидир. Лойиҳанинг бутун даври мобайнида 50 нафар талаба Хитойда дастурни тамомлаган бўлиб, 82 нафар талаба пандемия туфайли лойиҳанинг онлайн ва гибрид версияларида иштирок этди.

Очилиш маросимида Ўзбекистон рақамли технологиялар вазири ўринбосари Рустам Каримжонов иштирок этди ва IT-таълимнинг мамлакат келажагини шакллантиришдаги муҳим ролини таъкидлаб ўтди. У ўз нутқи давомида сўнгги йилларда жаҳон IT-саноатида IT-хизматлари экспорти сезиларли даражада ошганини ҳам таъкидлади. Ўзбекистон ҳам бу борада ўз саноат истиқболларини мустаҳкамлашга киришди. Шундай қилиб, Рақамли технологиялар вазирлиги ахборот технологиялари ва хизматларини ривожлантириш бўйича фаол чора-тадбирлар кўрмоқда, уларнинг ҳажми 2030 йилга бориб 5 миллиард АҚШ долларига етиши режалаштирилган. Ёшларни юқори маошли иш ўринлари билан таъминлаш ва IT-хизматларини экспорт қилиш орқали иқтисодий ўсишни рағбатлантириш мақсадида вазирлик «умрбод таълим» тамойили асосида иқтидорли ёшларнинг билим ва кўникмаларини ошириш ҳамда барқарор IT-таълим экотизимини яратишга интилади.

«IT иқтисодий ўсиш, иш ўринларини яратиш ва рақамли тафовутни кўпайтиришни таъминламоқда. Ўзбекистон келажагига сармоя киритиш бўйича мажбуриятимиз ўқитувчилар малакасини ошириш, IT-инфратузилмасини кенгайтириш ва махсус ишлаб чиқилган иқтидор дастурларини ишлаб чиқишни ўз ичига олган кенг қамровли саъй-ҳаракатларни талаб қилади. Huawei каби ҳамкорларимиз кўмагида биз ўз олдимизга қўйган улкан мақсадларга эришиш ва ёшларимизнинг истиқболли келажагини таъминлашга ишончимиз комил», — дея қўшимча қилди Рустам Каримжонов.

Huawei компаниясининг Яқин Шарқ ва Марказий Осиёдаги вице-президенти Ван Шунли шундай деди: «Huawei Яқин Шарқ ва Марказий Осиёда, жумладан, Ўзбекистонда очиқ, умумий АКТ истеъдодлар экотизимини ривожлантириш тарафдори. «Seeds for the Future» бизнинг асосий глобал корпоратив ижтимоий масъулият дастуримиз бўлиб, истеъдодларни ўз мамлакатлари келажагини шакллантиришга илҳомлантиради. Биз дастуримизни қўллаб-қувватлаганликлари учун миннатдормиз ва 2023 йил иштирокчиларига энг яхши тилакларимизни билдирамиз. Интизорлик билан ажойиб тадбирни кутмоқдамиз».

Рақамли технологиялар вазири Шерзод Шерматов Қатар сафарига отланаётган талабалар билан учрашиб, уларни Ўзбекистон ёшлари учун тўққизинчи бор ўтказилаётган лойиҳа танловидан муваффақиятли ўтгани билан табриклади.

Seeds for the Future — компаниянинг бутун дунё бўйлаб АКТ истеъдодларини ривожлантиришга қаратилган корпоратив ижтимоий масъулият бўйича таълим дастуридир. Инновациялар ва технологик ютуқларга тобора ортиб бораётган эътибор билан, бу ерда ёш онглар фикр алмашиши, бутун дунёдаги тенгдошлари билан боғланиши ва уларнинг келажагини шакллантирадиган ва рақамли ҳамжамиятдаги иштирокини осонлаштирадиган АКТ сектори ҳақида қимматли маълумотларга эга бўлиши мумкин. 2008 йилда ишга туширилгандан бери 139 мамлакатдан 15 000 дан ортиқ талабалар Seeds for the Future га аъзо бўлишди. Ўтган йилларда 450 дан ортиқ давлат сектори вакиллари лойиҳа иштирокчиларини қўллаб-қувватлаган.

Дастур давомида иштирокчилар илғор АКТ технологиялари, илмий ва технологик етакчилик, глобал мавзулар бўйича мунозаралар каби мавзуларда интенсив тренинглар ва семинарларда иштирок этадилар. Тренинг ва ўзаро алмашув орқали иштирокчилар 5G, сунъий интеллект ва булутли технологиялар ҳақида кўпроқ тушунчага эга бўладилар, келажакда юксалиш учун кўпроқ имкониятларга эга бўладилар ва меҳнат бозорида рақобатбардошликни оширадилар. Бу йил Seeds for the Future Tech4Good танловини учинчи маротаба ҳам ўтказади, бу танлов рақамли технологиялар ва ечимларини ўзлаштириш орқали ўз жамиятларида ижобий ўзгаришларни амалга оширишга ёшларни жалб қилишга қаратилган.

Иштирокчилар ўзларининг Tech4Good гуруҳ лойиҳаларини ҳакамларга тақдим этадилар ва 2023 йил 10-16 сентябрь кунлари БААнинг Дубай шаҳрида бўлиб ўтадиган Tech4Good дастурининг иккинчи босқичига ўтиш учун 40 нафар талабадан иборат саккизта ажойиб жамоа танлаб олинади. Кейин ғолиблар бутун дунё бўйлаб бошқа жамоалар қаторида Хитойда бўлиб ўтадиган якуний глобал мусобақада қатнашиш ҳуқуқига эга бўладилар. Талабалар биргаликда барқарор ривожланиш учун АКТ нинг улкан салоҳиятини ўрганадилар. Tech4Good глобал мусобақа ғолиблари Хитойда бўлиб ўтадиган Tech4Good стартап-спринтга таклиф қилинадилар, у ерда улар Шенчжен, Пекин ва бошқа шаҳарларга ташриф буюриб, ҳақиқий тадбиркорлик муҳити билан танишадилар ва 100 000 долларлик стартапни қўллаб-қувватлаш фонди учун курашадилар.