АҚШ ва канадалик олимлар гуруҳи rhGH рекомбинант ўсиш гормони одамларда эпигенетик қаришни қайтариши мумкинлигини исботлашди. Бу ҳақда «MedicalXress» пресс-релизида хабар берилган.

Тадқиқот чоғида кўнгиллиларга DHEA ўсиш гормони ҳамда диабетнинг олдини олувчи дори берилган. У препарат қабулидан акс таъсир сифатида ривожланиши мумкин. Бир йилдан сўнг тўққиз иштирокчидан етти нафарида тимусда тўпланган ёғнинг камайиши кузатилган — мазкур аъзода Т-лимфоцитлар иммун ҳужайралари етилади. Эпигенетик маркерлар таҳлили натижасига кўра, кўнгиллиларнинг ҳаммаси биологик нуқтаи назардан икки йилга ёшарган.

Маълумки, ёши ўтган сари инсоннинг тимусида ёғ тўплана бошлайди, шунингдек, ўсиш гормони даражаси пасаяди, бу иммун реакцияларни заифлаштиради. 1986 йил каламушлар устида ўтказилган тадқиқотларга кўра, rhGH инъекцияси, афтидан, қариш каламушлар организмида ҳимоя тизими фаолиятини яхшилаган. Кейинчалик маълум бўлишича, гормон тимусга қандайдир таъсир кўрсатган.

Эпигенетик қаришда ДНК ўзгаради, яъни эпигенетик омиллар саналувчи ҳамда нуклеин кислота занжири билан боғлиқ метил гуруҳлар қайта тақсимланади. Метил гуруҳлар ўз навбатида муайян генларни фаоллаштиради ёки ўчириб қўяди.