Россия президенти Владимир Путин бурнини синдиришганидан сўнг бокс машғулотларини ташлаб, курашга кетган. Бу ҳақда давлат раҳбари «Россия-1» телеканали эфирида айтиб ўтди.

«Учинчи ёки тўртинчи машғулотда бурнимни синдиришган», — деб эслайди Путин Кремлда Олимпия спортчилари билан суҳбатда.

Унинг сўзларига кўра, гарчи бурни чидаб бўлмас даражада оғриётган бўлса-да, ўшанда шифокорга учрамаган. Кейинчалик бўлажак президент бурни синганини билиб қолган.

Aввалроқ Халқаро самбо федерацияси (FIAS) раҳбари Василий Шестаков Путин кўп қиррали шахс эканлигини айтганди. Шестаков унинг сиймосида жанг санъати «буюк спортчи»ни йўқотганини тан олган.

Россия президенти дзюдо ва самбо бўйича спорт устаси, шунингдек, «самбо бўйича Россияда хизмат кўрсатган мураббий» унвонига ва Халқаро сузиш федерациясининг орденига эга. Кремль сайтида эълон қилинган маълумотларга кўра, Путин тоғ чанғиси ва ҳоккейни ҳам яхши кўради. Россия етакчиси фаол дам олишни афзал кўради — балиқ овлаш, от миниш, дарёда сузиш.