Қозоғистоннинг «Sports.kz» портали «Пахтакор» академиясида фаолият олиб бораётган мураббий Павел Пуришкин билан суҳбатлашиб, Ўзбекистон ва Қозоғистон футболи, шунингдек, Қозоғистон терма жамоаси бош мураббийи Али Алиевнинг яқинда берган интервьюси ҳақида фикрларини сўради.

- Терма жамоамиз бош мураббийи Али Алиев агар Қозоғистон Осиё минтақасида бўлса, албатта Жаҳон чемпионатига йўл олишини айтганди. Ушбу фикр ҳақиқатга қанчалик мос келади?

- Менимча, у нима деяётганини ўзи ҳам тушунмайди. Бу асосан, ўзига бўлган ишончни ошириш ва кўпчиликнинг эътиборини жалб қилиш учун айтилганга ўхшайди. У айтганидек бўлишига шубҳа қиламан. Лихтенштейн устидан ғалаба қозониш ажойиб кўрсаткич эмас... Ўйлайманки, Алиев буларнинг барчасини жамоатчилик эътиборини ўзига қаратиш учун айтди.

- Сизнингча, Қозоғистонга Жаҳон чемпионати ёки Еврога чиқиш учун нима керак?

- Ҳамма нарсани бутунлай ўзгартириш керак. «Қайрат»нинг якка ҳукмронлигига чек қўйиб, ўзгаришларни болалар футболидан бошлаш керак. Биламан, сиздаги ўсмирлар учун қишда машқ қиладиган жой йўқ. Барча муаммоларнинг сабаби коррупциядир. Бироқ, биз қардош мамлакат бўлганимиз учун Қозоғистонннинг Жаҳон чемпионатига ҳам, Европа чемпионатига ҳам чиқишини истаймиз.

Маълумот ўрнида, Алиев яқинда «биз Осиёда бўлганимизда қийинчиликсиз мундиалга чиқардик, Осиё жамоаларига кўп баҳо берманглар», дея интервью берганди.