Ўзбекистон ФИФА рейтингида бир поғона юқорилади
ФИФА март ойидаги терма жамоалар ўйинларидан сўнг янгиланган рейтингини эълон қилди.
Унга кўра, амалдаги Жаҳон чемпиони Аргентина терма жамоаси пешқамликни сақлаб қолди. Иккинчи ўринга 1854 очко билан Францияни ортда қолдирган Испания жойлашди. Кучли учликни Франция якунлаб берди.
Ўзбекистон терма жамоаси бир поғона юқорилаб, 57 ўринга чиқиб олди. «Оқ бўрилар» Япония (15), Эрон (18), Жанубий Корея (23), Австралия (26) ва Қатар (55) терма жамоаларидан сўнг Осиё қитъасида олтинчи ўринда бормоқда.
Эслатиб ўтамиз, Ўзбекистон терма жамоаси март ойидаги ФИФА кунларида Жаҳон чемпионати саралаши доирасида Қирғизистон (1:0) ва Эрон (2:2) терма жамоалари билан баҳс олиб борди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter