Ўзбекистон делегацияси Осиё ўйинларига жўнаб кетди
Ўзбекистон Республикаси Жисмоний тарбия ва спорт вазири Дилмурод Набиев бошчилигидаги мамлакатимиз спорт делегациясининг яна бир қисми 18 август – 2 сентябрь кунлари XVIII ёзги Осиё ўйинларида иштирок этиш учун Осиё ўйинлари пойтахти Жакарта шаҳрига йўл олди.
Тошкент халқаро аэропортида Ўзбекистон Республикаси Бош вазири Абдулла Арипов спортчиларга омад ва зафарлар тилаб, юртимизга ёруғ юз билан қайтишларини айтиб ўтди.
Эслатиб ўтамиз, Осиё ўйинларининг тантанали очилиш маросими 18 август куни «Gelora Bung Karno Stadium»да бўлиб ўтади.
Индонезиянинг Жакарта ва Палембанг шаҳарларида ўтказиладиган XVIII ёзги Осиё ўйинларида қитъамизнинг элликка яқин давлатидан ўн минг нафардан ортиқ спортчи ғолиблик учун куч синашади. Мазкур мусобақада ўзбекистонлик 232 нафар спортчи 30 спорт тури бўйича бўлиб ўтадиган баҳсларда Ватанимиз шарафини ҳимоя қилади.
Осиё ўйинларига йўл олган спортчиларимизга омад ёр бўлсин!
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter