Осиё Кубогида сенсацион старт
![Осиё Кубогида сенсацион старт](https://static.xabaruz.com/crop/1/1/720_460_95_1135616909.jpg)
Бирлашган Араб Амирликларида старт олган Осиё Кубоги сенсацион ўйинларга бой бўлмоқда.
Дастлаб, «А» гуруҳи вакиллари БАА ва Баҳрайн терма жамоалари мусобақани очиб беришди.
Мезбон жамоа ғалабаси тахмин қилинган баҳснинг 79-дақиқасида баҳрайнлик Ромайҳий гол уриб, стадионда йиғилган минглаб мухлисларни «шок»ка тушириб қўйди.
88-дақиқага келибгина БАА терма жамоаси бироз шубҳали пенальтидан мувозанатни тиклаб, мағлубиятдан қутилиб қолди.
А гуруҳи, 1-тур
БАА – Баҳрайн 1:1
Голлар: Аҳмад Халил (88 пен.) – Ромайҳий (79)
«А» гуруҳининг иккинчи ўйинида Ҳиндистон сюрприз тақдим этди.
Гуруҳда аутсайдер саналиб келинаётган Ҳиндистон терма жамоаси кутилмаганда Таиландни 4:1 ҳисобида тор-мор этди.
Бу ғалабадан сўнг ҳиндистонликлар гуруҳда биринчи ўринни эгаллаб турибди. Дуранг ўйнаган БАА ва Баҳрайн иккинчи ва учинчи ўринларга жойлашишган.
A гуруҳи, 1-тур
Таиланд – Ҳиндистон 1:4
Голлар: Терасил Дангда (33) – Сунил Чҳетри (27, 46), Анирудҳ Тҳапа (68), Жеже Лалпекҳлуа (80)
Кеча, 6 январь куни Осиё Кубогининг «B» гуруҳида ҳам 1-тур учрашувлари бўлиб ўтди.
Бу гуруҳда ҳам кутилмаган қайд этилди.
Нафақат гуруҳнинг, балки турнирнинг фаворитларидан бири саналган Австралия кутилмаганда Иорданияга енгилди.
26-дақиқада Анас Бани Ясин томонидан бош билан урилган гол учрашув тақдирини ҳал қилди.
B гуруҳи, 1-тур
Австралия – Иордания 0:1
Гол: Анас Бани Ясин (26)
«B» гуруҳининг иккинчи баҳсида Сурия ва Фаластин терма жамоалари ўзаро баҳс олиб борди ва бу ўйинда ҳисоб очилмади.
Шу тариқа, «В» гуруҳида вазият қуйидагича тус олди: 1. Иордания (3 очко); 2. Сурия (1); 3. Фаластин (1), 4. Австралия (0).
B гуруҳи, 1-тур
Сурия – Фаластин 0:0
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter