НАТОга тарихда илк бор аёл киши раҳбарлик қилиши мумкин
НАТО тарихида биринчи марта аёл киши алянс бош котиби бўлиши мумкин. Испаниянинг El Pais газетасининг ёзишича, норвегиялик Йенс Столтенбергнинг ўрнини Буюк Британия собиқ бош вазири Тереза Мей, Европа Иттифоқи дипломатиясининг собиқ раҳбари Федерика Могерини, Германия мудофаа вазири Аннегрет Крамп-Карренбауэр эгаллаши мумкин.
Бундан ташқари, Литванинг собиқ президенти Даля Грибаускайте, Эстония президенти Керсти Калюлайд ва Хорватиянинг собиқ президенти Колинда Грабар-Китарович ҳам НАТО раҳбарлигига эҳтимолий номзодлар саналмоқда.
Янги бош котиб тайинланиши фақат 2022 йилда амалга оширилади.
Алянс раҳбарини сайлаш 2022 йилнинг баҳорида Мадрид саммити пайтида ўтказилади.
Маълумот учун, Столтенберг 2014 йил 1 октябрдан НАТО Бош котиби лавозимида фаолият кўрсатади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter