Мэриленд университети мутахассислари келажакда DART зондининг Диморфос астероиди билан тўқнашувини моделлаштиришди ва бу самовий жисмлар ҳаракатида «тартибсизликни келтириб чиқариши» мумкин деган хулосага келишди — астероид чайқалиб, думалай бошлайди, бу эса охир-оқибат муаммоларга олиб келади.

DART миссияси — Ер учун хавфли бўлиши мумкин бўлган траекториядан узоқлаштириш учун астероидни «итариш»га бўлган биринчи уриниш.

Мақсад сифатида NASA мутахассислари катта Дидимос астероиди атрофида айланувчи кичик Диморфос астероидини танладилар. DART зонди 24 ноябрда ишга туширилади ва 2022 йил октябрда астероидга етиб боради ва сониясига 6,6 километр тезлик билан бориб урилади (соатига 23760 километр).

Охирги ҳисоб-китобларга кўра, 500 килограммли космик кема астероид айланишини секинлаштиради, унинг айланиш даврини бир неча дақиқага кўпайтиради. Бир неча кундан сўнг Диморфос орбитада чайқала бошлайди, дастлаб деярли сезилмайди, лекин вақт ўтиши билан кучайиб боради. Бир ёки икки ҳафта ўтгач, чайқалиш шу даражада кучаядики, астероидни думалашга олиб келади.

NASA мутахассислари DART дастури зарардан кўра кўпроқ фойда келтиришига ишонишмоқда. Унинг натижалари шуни кўрсатадики, келажакда инсоният хавфли астероидлардан ҳимоялана оладими ёки йўқми, уларни катта зондларнинг юқори энергияли зарбалари билан орбитадан чиқариб юборади. Маълум бўлишича, бу ҳақиқий бўлмаган усул, уни бошқа усуллар фойдасига рад қилиш яхшироқдир.