Merilend universiteti mutaxassislari kelajakda DART zondining Dimorfos asteroidi bilan to‘qnashuvini modellashtirishdi va bu samoviy jismlar harakatida «tartibsizlikni keltirib chiqarishi» mumkin degan xulosaga kelishdi — asteroid chayqalib, dumalay boshlaydi, bu esa oxir-oqibat muammolarga olib keladi.

DART missiyasi — Yer uchun xavfli bo‘lishi mumkin bo‘lgan trayektoriyadan uzoqlashtirish uchun asteroidni «itarish»ga bo‘lgan birinchi urinish.

Maqsad sifatida NASA mutaxassislari katta Didimos asteroidi atrofida aylanuvchi kichik Dimorfos asteroidini tanladilar. DART zondi 24-noyabrda ishga tushiriladi va 2022-yil oktyabrda asteroidga yetib boradi va soniyasiga 6,6 kilometr tezlik bilan borib uriladi (soatiga 23760 kilometr).

Oxirgi hisob-kitoblarga ko‘ra, 500 kilogrammli kosmik kema asteroid aylanishini sekinlashtiradi, uning aylanish davrini bir necha daqiqaga ko‘paytiradi. Bir necha kundan so‘ng Dimorfos orbitada chayqala boshlaydi, dastlab deyarli sezilmaydi, lekin vaqt o‘tishi bilan kuchayib boradi. Bir yoki ikki hafta o‘tgach, chayqalish shu darajada kuchayadiki, asteroidni dumalashga olib keladi.

NASA mutaxassislari DART dasturi zarardan ko‘ra ko‘proq foyda keltirishiga ishonishmoqda. Uning natijalari shuni ko‘rsatadiki, kelajakda insoniyat xavfli asteroidlardan himoyalana oladimi yoki yo‘qmi, ularni katta zondlarning yuqori energiyali zarbalari bilan orbitadan chiqarib yuboradi. Ma’lum bo‘lishicha, bu haqiqiy bo‘lmagan usul, uni boshqa usullar foydasiga rad qilish yaxshiroqdir.