Xitoy, Avstraliya va Italiya olimlaridan iborat xalqaro guruh Marsda ulkan yer osti suv qatlami mavjudligiga dalil topdi. U Mars sathidan 5-8 km chuqurlikda joylashgan. Tadqiqot National Science Review (NSR) ilmiy jurnalida chop etildi.

Milliardlab yillar oldin Mars daryolar va ko‘llar bilan qoplangan edi. Seysmik to‘lqinlarning tahlili Sayyora qobig‘ida anomal qatlamni aniqladi,  bu yerda tebranishlar sekinroq tarqaladi — suyuqlik bilan to‘yingan g‘ovakli jinsning o‘ziga xos xususiyati.

"Bu ulkan Mars suvli qatlamiga o‘xshaydi. Undagi suv hajmi 500-800 metr chuqurlikdagi okean bilan qiyoslanadi va butun sayyorani qamrab oladi", - deya tushuntirdi tadqiqot mualliflari.

Bu kashfiyot NASAning InSight seysmik missiyasi ma’lumotlari tufayli amalga oshirildi, unda 2021-yilda meteorit qulashi va 2022-yilda kuchli Mars silkinishlari qayd etilgan.

InSight seysmometri bu hodisalardan to‘lqinlar Mars qobig‘ining turli qatlamlaridan qanday o‘tganini qayd etib, olimlarga yashirin suv qatlamini "ko‘rish" imkonini berdi.

Topilgan suv omborida qadimgi Mars hayotining izlari bo‘lishi mumkin va kelajakdagi kolonistlar uchun muhim manba bo‘lishi mumkin.