Наманганда хонадонда газ портлади. Уй эгасининг икки фарзанди жабрланган
Бугун, 13 январь куни соат 02:30 ларда Республика шошилинч тез ёрдам илмий марказидан олинган маълумотга кўра, Наманган туманидаги Наврўз маҳалласида жойлшган хонадонларнинг бирида газ-ҳаво аралашмаси чақнаган.
Содир бўлган чақнаш натижада хонадон эгасининг 1992 йилда туғилган қизи 70 фоиз ҳамда у билан бирга яшовчи фарзанди 2014 йилда туғилган ўғли 8 фоиз куйиш тан жароҳатини олишган.
Вилоят ФВБга кўра, чақнаш натижасида ёнғин содир бўлмаган, уйнинг деразаси жойидан кўчган.
Дастлабки маълумотларга кўра, ҳодисага яшаш уйига ўрнатилган ўтин ва табиий газга мослаштирилган туника иситиш печида табиий газдан фойдаланиш ва газ жўмраги очиқ қолиши сабаб бўлган.
Уй эгасининг ўзи томонидан электр чироғини ёқиш оқибатида эса газ ва ҳаво аралашмаси натижасида чақнаш содир бўлган. Воқеа жойига ёнғин ўчириш экипажлари жалб этилмаган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter