Жанубий Кореяда автомобиль йўлидаги ёнғин оқибатида 5 киши ҳалок бўлди
Бугун Жанубий Кореянинг Гвачеон шаҳрида (Кёнги провинцияси) автоҳалокат натижасида туннелдаги автомобиль йўлида ёнғин содир бўлди. Бу ҳақда Lenta.ru хабар берди.
Ҳодиса оқибатида 5 киши ҳалок бўлган, яна 37 киши тан жароҳати олган, 34 киши эса заҳарли газдан заҳарланган.
Ёнғин маҳаллий вақт билан 13:50 атрофида тезюрар туннелда автобус юк машинасига бориб урилганидан кейин бошланган. Юк машинасидан ёнғин туннель панелига ўтган.
Ёнғинда камида 44 та автомобиль ёниб кетган, улар туннелда изоляция қилинган. Воқеа жойига 77 та ёнғин ўчириш техникаси етиб келган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter