Тошкент вилоятида учта Damas ёниб кетди
Тошкент вилоятида ёнғин сабаб учта Damas ёниб кетди.
4 апрел куни Тошкент вилояти ФВБ Тезкор бошқарув марказига Тошкент тумани, “Фаровон” МФЙ, Улуғбек кўчасидаги бир-бирига туташ қурилган 2 та бинода ёнғин содир бўлаётганлиги ҳақида хабар келиб тушган.
Хабарга асосан, ёнғин ўчириш экипажлари ёнғин жойига соат 18:28 да етиб бориб, аланга ўраб олинган. Кўрилган чоралар натижасида ёнғин тўлиқ ўчирилган.
Ёнғин оқибатида биноларнинг жами 145 метр кв. майдони ва ушбу ҳудуддаги фойдаланишга яроқсиз бўлган, носоз ҳолдаги 3 та Damas русумли автоуловлар ёниб зарарланган. Қутқарувчиларнинг саъй ҳаракатлари натижасида бинолатнинг жами 700 метр кв. майдони сақлаб қолинган.
Ҳодиса оқибатида тан жароҳат олган ва ҳалок бўлганлар йўқ.
Ҳозирда ёнғиннинг келиб чиқиш сабаби ва зарари аниқланмоқда
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter