Ҳиндистонда сув босган қишлоқлар сони икки ярим мингтадан ошди
Ҳиндистондаги икки ярим мингдан ортиқ қишлоқни сув босгани ҳақида бугун, 18 июль куни «Times of India» хабар берди.
Табиий офат ёпирилган «чой штати» — Ассамдаги 2678 та аҳоли маскани сув остида қолган. Оқибатда қурбонлар сони 79 кишига етди. Юзлаб қорамоллар нобуд бўлгани айтилмоқда.
Ҳиндистон шимоли-шарқида сув тошқинлари май ойи охирларида кучли ёғингарчиликлар оқибатида Браҳмапутра дарёси ўзанидан чиқиб кетганидан кейин бошланганди. Табиий офат 26 та округни қамраб олганди.
Оқибатда қарийб уч миллион киши хавфли зонада қолган. Ҳукумат одамларни қутқариш чораларини кўрмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter