Гавайидаги орол довулдан сўнг йўқолиб қолди
Гавайи архипелагига ёпирилган «Валака» довули оқибатида ундаги ороллардан бири ювилиб кетди. Бу ҳақда «Honolulu Civil Beat» хабар берди.
Ист-Айленд оролининг йўқолиб қолганини олимлар йўлдошда олинган суратлардан пайқаб қолишди. Улар тез орада воқеа жойига бориб тадқиқот ўтказишмоқчи.
Қум-шағалдан иборат оролнинг майдони 4,5 гектар эди. Унда Гавайи тюленлари ва яшил тошбақалар яшарди.
Таъкидланишича, бу Френч-Фригат-Шолс атоли йўқотган иккинчи оролдир. Бироқ олдингиси (Триг ороли) аста-секин емирилиб, сувга ғарқ бўлганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter