«COVID-19»нинг оғир шакли: организмга нима етишмаслиги аниқланди
Француз олимлари коронавируснинг оғир шаклидан қийналаётган беморларга хос умумий аломатни аниқлашди, деб хабар берди «РИА Новости». Тадқиқот натижалари «Science» журналида ёритилди.
Олимлар тадқиқот давомида касаллиги турли симптомлар (енгил йўталдан тортиб нафас етишмаслигигача) билан кечаётган, ўпкани сунъий вентиляциялаш қурилмасига улаб қўйилган 50 нафар беморни ўрганишди. Беморлардан олинган биоматериаллар текширилиши асносида касаллиги оғир кечаётганларга хос умумийлик топилди — уларнинг барчасида интерферон танқислиги юзага келган ҳамда кучли яллиғланиш кузатилган.
Хусусан, оғир касалларда организм вирусга қарши курашишда ишлаб чиқариши лозим бўлган I тоифали интерферон етишмаслиги қайд этилган. Унинг ишлаб чиқарилиши коронавирус инфекцияси ривожланишини секинлаштиради.
Шу тариқа француз олимлари касаллар тузалишида интерферон ҳал қилувчи роль ўйнайди деган хулосага келишди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter