Буюк Британияда илк маротаба аёл киши MI6 раҳбари этиб тайинланди
Блейз Метревели Буюк Британия Ташқи разведка хизмати (MI6) раҳбари этиб тайинланди. Ҳукумат матбуот хизмати маълумот беришича, мамлакат тарихида илк маротаба аёл киши ушбу лавозимга тайинланди.
«Блейз Метревелининг тарихий тайинлануви разведка хизматларимиз фаолияти ҳар қачонгидан муҳим аҳамият касб этган бир даврга тўғри келмоқда. Бирлашган Қироллик мисли кўрилмаган таҳдидлар билан тўқнашмоқда», — деди бош вазир Кир Стармер.
Берилган маълумотга кўра, Блейз Метревели 47 ёшда, Кембриж университетида антропологияни ўрганган. Ташқи разведкага 1999 йилда кириб келган, асосан Европа ва Яқин Шарқда ишлаган. Шу пайтгача разведканинг технология департаментини бошқарган. Унгача беш йил мобайнида Ричард Мур MI6 раҳбари бўлган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter