Бухорода ИИО ходимини машина уриб юборди (видео)
Бугун, 27 июль куни Бухоро шаҳридаги Иброҳим Мўминов кўчасида ИИО ходимини «Жентра» автомобили катта тезликда келиб уриб юборган. Бу ҳақда «Xabar.uz» мухбири хабар бермоқда.
Ходимнинг боши ёрилиб, ҳушини йўқотган. Бемор ўта оғир аҳволда.
«Йўлда катта қон изи пайдо бўлган. «Жентра»нинг олд ойнаси ва капоти яроқсиз ҳолга келган. Воқеани яқиндан кўрган сифатида кўзимга тушган нарса — ходимнинг бош қисмининг орқа томони жиддий жароҳатланган»,— демоқда автоҳалокатга гувоҳ бўлган фуқаро.
Ҳалокатга учраган ходим қўл телефонига чалғиган ва ён томондан катта тезликда келаётган автомашина ҳаракатини илғамай қолган.
Ҳолат акс этган тасвир Бухоро шаҳридаги кафелардан бирининг видеокамерасига тушиб қолган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter