«Мўъжизалар олами»нинг ёзишича, қадимги замонлардан буён шифокорлар, табиблар ва алкимёгарлар умрбоқийлик эликсирини топишга уриниб келишган. Улар бу жумбоқ тагига етиш учун қанчадан-қанча гиёҳларни, не-не кимёвий моддаларни аралаштириб кўрмаган дейсиз?! Лекин барибир ниятларига ета олишмаган.

Бироқ айрим масалаларда муваффақият ҳам қозонишган — танани мустаҳкамловчи, соғломлаштирувчи рецептлар ҳозирги кунгача сақланиб қолган. Майли, 200 йил яшамайлик, аммо кексайган чоғимизда ҳам бардам ва тетик бўлиб юрайлик!

Кўҳна рецептларни кўздан кечирар экан тарихчилар икки маҳсулот энг кўп ишлатилишини пайқаб қолишди: сут билан саримсоқ. Бу бежизга эмас. Ҳатто Ибн Сино ҳам кўпгина касалликларни саримсоқ ёрдамида даволаган. Замонавий илм-фан эса буни энди-энди исботламоқда.

Қозончага 1 стакан сутни қуйиб, оловга қўямиз. Қайнаб чиққунча, 2 бўлак саримсоқни тозалаб, майдалаб тўғраймиз.

Сут қайнаб чиққан заҳоти саримсоқни соламиз, оловдан оламиз ва қопқоғини ёпамиз.

10 дақиқадан сўнг ёшлик эликсири тайёр бўлади.

Сут ва саримсоқли эликсирни ҳафтасига бир марта 1 стакандан ичиш тавсия этилади.