Aрманистон президентида ковиддан кейинги асоратлар пайдо бўлди
Aрманистон президенти Армен Саркисян COVID-19дан кейинги асоратлар туфайли текширувдан ўтмоқда, дея хабар берган президент маъмурияти.
5 январь куни ўша пайтда Лондонда бўлган Aрманистон президенти Саркисянга коронавирус ташхиси қўйилгани тўғрисида хабар бергандик.
У ерда муолажа олди, масофадан туриб ишлашда давом этди. Aммо 13 январь куни президент шифохонага ётқизилгани маълум бўлди: унга икки томонлама пневмония ташхиси қўйилди. Бир ой ўтгач Саркисян ватанига қайтиб, Ереванда даволанишни давом эттирди.
Ҳозир hraparak.am онлайн-ресурс хабарига кўра, Саркисян юракдаги муаммо туфайли Еревандаги «Aстхик» тиббиёт марказига ётқизилган. Газетанинг ёзишича, стентлаш операцияси амалга оширилади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter