Озодбек Назарбеков «Қирғизистон Республикаси халқ артисти» унвони билан тақдирланди
Қирғизистон президенти Садир Жапаров бугун, 13 декабрь куни Ўзбекистон Республикаси маданият вазири Озодбек Назарбековни қабул қилди.
Садир Жапаров мамлакатлар ўртасидаги маданий алоқаларни ривожлантириш ва дўстликни мустаҳкамлашга қўшган улкан ҳиссаси учун Озодбек Назарбековни Қирғизистон Республикаси халқ артисти» унвони билан тақдирлади ва унвон билан ўзбекистонлик санъаткорни табриклади.
– Ижодий йўлингиз кўпчиликни илҳомлантиради. 15 декабрь куни Тўқтўғул Сатилганов номидаги Қирғизистон миллий филармониясида бўлиб ўтадиган сизлар иштирокидаги мусиқий кеча умумий маданий ҳамжиҳатлигимизнинг яна бир ёрқин намунаси бўлади, – деди Қирғизистон Республикаси Президенти Садир Жапаров.
Маданият вазири Озодбек Назарбеков, ўз навбатида, унинг фаолиятига берилган шараф ва юксак баҳо учун самимий миннатдорлик билдирди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter