Лос Анжелесда анъанавий «Оскар» киномукофоти ғолибларини аниқлаш ва тақдирлаш маросими бўлиб ўтди.

«Яшил китоб» — йилнинг «Энг яхши фильми» деб топилди. Фильм режиссёри Питер Фареллига мукофотни таниқли актриса Жулия Робертс топширди.

Мексикалик Альфонсо Куарон оқ-қора тасвирли «Рома» фильми учун «Энг яхши режиссёр» деб топилди. Унга мукофотни ватандоши Гильермо дель Торо топширди.

«Энг яхши эркак роли» номинациясида актёр Рами Малек «Оскар»ни қўлга киритди. У «Богем рапсодияси» фильмида «Queen» гуруҳи вокалисти Фредди Меркьюрининг образини яратди.

Буюк Британия қироличаси Анна ролини ўйнаган Оливия Колман «Энг яхши актриса» деб топилди (Йоргос Лантимоснинг «Фаворитка» фильми).   

Ғолибларнинг умумий рўйхати:

Чет тилдаги энг яхши фильм — «Рома» (Мексика)

Энг яхши мультфильм — «Ўргимчак-одам»

Энг яхши визуал эффектлар — «Биринчи одам»

Энг яхши сценарий — «Яшил китоб»

Энг яхши актёр — Рами Малик («Богем рапсодияси»)

Энг яхши актриса — Оливия Колман (Севимли)

Энг яхши режиссёр — Альфонсо Куарон (Рома)

Энг яхши фильм — «Яшил китоб»