Хушнудбек Худойбердиев ЎзА бош директори ўринбосари бўлди
Таниқли блогер ва ҳуқуқшунос Хушнудбек Худойбердиев Ўзбекистон миллий ахборот агентлиги Бош директори ўринбосари лавозимига тайинлангани ҳақида хабарлар тарқалди. «Xabar.uz» манбаси ушбу тайинловни тасдиқлади.
Хушнудбек Худойбердиев бунга қадар Миллий масс-медиани қўллаб-қувватлаш ва ривожлантириш жамоат фонди директори сифатида ишлаб келаётган эди.
Эслатиб ўтамиз, ўтган йилнинг декабрида Ўзбекистон Миллий ахборот агентлиги фаолиятини янада такомиллаштириш чора-тадбирлари тўғрисида Ўзбекистон Республикаси Президентининг қарори қабул қилинганди.
Ўша қарорга кўра, ЎзА бош директори мақоми, меҳнатга ҳақ тўлаш, моддий рағбатлантириш, тиббий ва транспорт хизмати кўрсатиш шарт-шароитларига кўра вазирга, унинг биринчи ўринбосари ва ўринбосари эса тегишлича вазирнинг биринчи ўринбосари ва вазир ўринбосарига тенглаштирилиши белгиланган.
Ҳозирча бу тайинлов расман эълон қилингани йўқ.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter