«Вақф» жамоат фонди раҳбари ишдан кетди
Ўзбекистон мусулмонлари идораси ҳузуридаги «Вақф» хайрия жамоат фонди раиси Искандар Халилов вазифасидан кетди. Унинг ўрнига Тошкент шаҳри Шайхонтоҳур тумани «Шайх Зайниддин» жоме масжиди имом-хатиби Абдураҳмонов Яҳё Убайдулло ўғли тайинланди.
Сирдарёда таваллуд топган ўттиз беш ёшли Яҳё Абдураҳмонов Тошкент ислом институтида таълим олган, Миср Араб Республикасидаги «ал-Азҳар» университетида малака оширган, шунингдек, Ўзбекистон миллий университетининг Олий журналистика факультети битирувчиси ҳисобланади.
«Вақф» жамоат фондининг собиқ раиси И. Халилов хайрия тариқасида тушган пулларга «Малибу-2» хизмат машинаси олганлиги ортидан можаролар маркази қолганди. У қандай вазифага ўтказилгани ҳақида маълумот берилмаган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter