Урганч шаҳар ҳокимига икки янги ўринбосар тайинланди. Бу ҳақда Урганч шаҳар ҳокимлиги Ахборот хизмати маълум қилди.

Ўзбекистон Республикаси Президенти Администрациясининг 2021 йил 6 апрелдаги розилик хати билан Ўзбекистон Республикаси «Маҳаллий давлат ҳокимияти тўғрисидаги» қонуннинг 21 ва 24 моддаларига мувофиқ, Бабажонов Нодирбек Баҳодирович Урганч шаҳар ҳокимининг саноатни ривожлантириш, капитал қурилиш, коммуникациялар ва коммунал хўжалик масалалари бўйича ўринбосари лавозимига тайинланди.

Бабажонов Нодирбек Баҳодирович

Н.Бабажонов бунгача Ўзбекистон Республикаси Президенти Администрациясининг «Қурилиш бирлашмаси» бошқармасида иш бошқарувчи лавозимида ишлаган.

Шунингдек, Кенжаев Қаҳрамон Рустамович Урганч шаҳар ҳокимининг ўринбосари — маҳалла ва оилани қўллаб-қувватлаш бўлими бошлиғи лавозимига тайинланди.

Кенжаев Қаҳрамон Рустамович

Қ.Кенжаев бу кунга қадар Урганч тадбиркорлик ва сервис касб-ҳунар коллежи директори лавозимида ишлаган.