Сиз урф-одатлари, қадриятлари ва қоидалари номаълум бўлган мамлакатга саёҳатга отландингиз. Ўзга мамлакатни урф-одатлари ёки тилини билмаслик фожеа эмас, лекин қоидаларига амал қилмасангиз катта-катта жарималарни тўлашга тайёр туринг.

Масалан Сингапурнинг тоза кўчаларининг ташриф қоғози жарималардир. Сингапур том маънода ярим асрда “ўсди” — у дунёга машҳур диққатга сазовор жойлари, ақл бовар қилмайдиган осмонўпар бинолари ва кўчаларда деярли мукаммал тартибига эга давлатга айланди. Сингапур деганда кўз ўнгимизда метропол, осмонўпар бинолар, тозалик ва яна қиммат жарималар кўз олдимизга келади. Дарҳақиқат, автобус бекатида ҳеч ким  чекмайди, метрода сизга пиво сепмайди ва юраётганингизда сиз гулзорда чиройли қилиб жойлаштирилган ахлатга қоқилмайсиз.  Савол туғилади: қандай қилиб? Буни қандай қилишади?  Барчаси жуда оддий — жарималар ва камералар. Ҳаттоки бу ерда суғоришдан кейин тарелкада гулзор остидаги сувни қолдирганлик учун жазо — жарима мавжуд. Шу боис Сингапур ликопчадаги сув қолдиқлари учун “етиб” келадиган чивин ва майда ҳашаротлардан деярли  қутулишди. Агар  жамоат ҳожатхонасига киргач тоза сувни қўйиб юбормасангиз 500 доллар жаримага тортиласиз. Бизнинг юртда қоплаб сақич сотиб олишингиз, истаганча чайнашингиз, тўғри келган жойга туфлаб ташлашингиз мумкин. Агар бу қилиғингизни Сингапурда қилсангиз ҳеч қандай истисноларсиз 500 доллар жарима тўлашга тайёр туринг. Сақични олиб кириш ва ундан фойдаланишни тақиқлаш бу ерда 1992 йилдан бери амал қилади.  1987 йилда Сингапурда қиймати 5 миллиард доллар бўлган метро ишга туширилди, афсуски, тез орада у чексиз вандал ҳужумларининг нишонига айланди. Сақичхўрлар сақични ўриндиқларнинг юқори қисмига, тутқичларга ва ҳатто эшикнинг автоматик сенсорларига ёпиштириб кетишарди (бу метрополитен ходимлари учун катта молиявий харажатларга олиб келди). Полиция жамоат жойларини сақич билан ифлослантирганларга қаттиқ жазо беришни бошлади. Барча сақичларни олиб кириш зудлик билан тўхтатилди, аммо бу ерга ташриф буюрган сайёҳларга сақични олиб киришга рухсат берилади, яъни бир кишига икки донадан ошмаслиги керак.

Ҳаттоки сиз кўчага тупурсангиз ҳам яхшигина жарима тўлайсиз.  Бундай жарима нафақат одамларни маданиятли бўлишга ўргатиш учун, балки кўпроқ даражада касалликлардан халос қилиш учун жорий қилинган.

Ҳаттоки суҳбатдошга қасам ичиш, таҳдид қилиш, ҳақорат қилиш ҳам жазоланади ва жуда қаттиқ. Демак Сингапурга борганингиздан кейин шунчаки одоб-ахлоқ қоидаларига риоя қилинг, муҳими сақич чайнаманг! Хўш, яна қайси мамлакатларда яна қандай ғалати таъқиқлар мавжуд?

Италия. Европада бу мамлакат ҳайратланарли тақиқлар сони бўйича етакчи ҳисобланади. Эболи шаҳрида автомобилларда ўпиш тақиқланади, Венеция яқинидаги пляжларда чиғаноқларни йиғишга йўл қўйилмайди,  Курорт шаҳар Фортеда майсазорни ёқиш керак эмас. Ва эътибор беринг, Италияда сохта нарсаларни сотиб олиш тақиқланган. Венециядаги Сан-Маркода каптарларни боқишингиз мумкин эмас.  Сабаби маҳаллий ҳокимият Венеция меҳмонлари ва унинг тарихий ёдгорликлари каптарлар ёмғири остида қолишини истамайди. Агар сайёҳ паст сифатли маҳсулотни сотиб олса, у ... жарима тўлаши керак. Гап шундаки, Италия қонунчилигига кўра, сайёҳлар, шунингдек, мамлакат аҳолиси ўзлари сотиб олган нарсаларнинг сифатини назорат қилишлари шарт ва ҳеч қандай ҳолатда бозорларда товар маҳсулоти сифати ўтган нарсаларни сотиб олишлари шарт эмас. Пляжларида қумли қасрлар қуриш, фаввораларида сузиш қатъиян ман этилади, агар, албатта, жаримани тўлаш учун қўшимча пул бўлмаса. Турин аҳолиси ҳар куни камида уч марта итларини сайр қилдиришлари шарт, акс ҳолда улар жаримага тортилади. Лериcи шаҳрида аҳоли ва сайёҳларга сочиқни қуритиш учун деразаларга осиб қўйиш тақиқланади.

АҚШ. Миннесота штатида сиз ифлос шиналар учун 2000 долларгача жарима тўлайсиз — автоуловларни ювиш анча арзонга тушади. Ню-Жерси штатидаги Форт-Ли шаҳрида сиз нафақат ҳайдаш пайтида, балки саёҳат пайтида ҳам матнли хабар ёзолмайсиз (85 доллар жарима).

Германия. Немис автоуловларида тўхтаб туролмайсиз, ҳатто бензинингиз тугаса ҳам. Йўлда юриш ҳам тақиқланган.  

Австралия. Якшанба куни тушдан кейин жамоат жойларида пушти шимларга рухсат берилмайди. Ва фақат малакали электрчилар лампочкани ўзгартириш ҳуқуқига эга.

Полша. Варшава метро станцияларида сиз платформалар ва зинапоялар бўйлаб ҳаракатлана олмайсиз. Ва шаҳар атрофидаги поездларда карта ўйнаш тақиқланади.

Ирландия. Ирландияда ажойиб анъана сақланиб келмоқда: 29 феврал куни аёл танлаган кишига таклиф қилиш ҳуқуқига эга. Агар эркак рад этса, у қизга жарима тўлашга мажбур бўлади. Бу ерда эркаклар уларга уйланиш таклифига жавобан аёллардан воз кечиш тақиқланган! Бахтимизга тасодифий бегона одам билан турмуш қуришни истамаган эркаклар учун бундай супер таклиф фақат маълум бир кун — 29 февралда амал қилади.

Белгия. Яхшиям бу ерда   қиш   жуда қорли бўлмайди, акс ҳолда бу мавсум уларга жуда қимматга тушиши мумкин эди. Ахир, кимни қорни кўрганида думалоқлагиси ёки қорбўрон ўйнагиси келмайди. Лекин белгияликлар бу завқдан бебаҳралар агар бир бирига қор отиб ўйнасалар жаримага тортилади,   бу тош отишга тенг ҳисобланади.

Малайзияда сариқ кийим кийиш тақиқланган ва бу жуда асосли. 2011 йилда қабул қилинган ушбу қонун ўз ҳаракати учун сариқ рангни танлаган маҳаллий оппозиция фаоллари туфайли юзага келди. Бу бугунги кунда бутун мамлакат бўйлаб ҳатто ушбу рангдаги билакузуклар ва боғичларни ҳам ҳеч кимдан топиб бўлмайдиган ҳолатга олиб келди.

Данияда сиз болаларга ғалати исмлар беролмайсиз — рухсат берилган 18000 га яқин аёл исмлари ва 15000 та эркак исмларни ўз ичига олган  рўйхатдан исм танлашингиз мумкин.  

Таиланд. Бу ерда электрон сигареталар ва ҳар хил чекиш мосламалари тақиқланган. Шу сабабли, бу эрга электрон сигаретларни олиб кириш ва чекиш ҳам тақиқланган. Электрон сигареталарни олиб киришни тақиқловчи қонун 2014 йилда кучга кирди.

Греция. Тарихий жойларга (масалан, Акрополга) баланд пошнали пойабзалда келишингиз мумкин эмас. Расмийлар бундай пойабзал юнон ибодатхоналарининг қимматбаҳо мармарини бузишидан қўрқишади.