«Омад лотто» лотереяси «36 дан 5» ўйинининг 501—тиражида бош соврин — 1 007 844 750 сўмлик «JACKPOT» ўз эгасини топганини ва ушбу бахтли инсон Навоий вилоятидан эканлиги айтилган эди. Ўша омади келиб миллиардерга айланган — Эгамов Рустам Наим ўғли ўз ютуғини қабул қилиб олди.

Рустам ака дадаси Ўлжаев Наим ака билан Халқ банкининг «Омад лотто» лотереясини ўйин жорий этилганидан буён оилавий ўйнаб келишини таъкидлади. У бунгача бир миллион сўмгача бўлган маблағларни қўлга киритиб келган экан.

Ғолибимиз бугунги «JACKPOT» ажойиб тарзда ютилганини эслади: «Ҳар гал лотерея ўйнаганимда йўлимга учраган автомобиль ёки уйлар рақамларига қараб тахминий комбинациялар тузиб бораман. Бир куни катта фарзандимга 1 дан 36 гача бўлган рақамлар орасидан ихтиёрий 5 та рақам айтишини сўрадим, қизим бешинчи рақам — 26 дейишига улгурмасдан, укаси мен ҳам битта рақам айтай деб 4 рақамини айтди. Негадир иккинчи фарзандим ёш бўлгани боисми, у айтган рақамни эмас 26 рақамини белгиладим, ўша комбинацияга. Анчадан буён «JACKPOT»ни ютишни орзу қилиб юрардим. Ниятим ҳолис экан, бугун миллиардерман. Бу пуллар билан келажакда уй-жойимизни кенгайтириб, ундан самарали фойдаланишни режалаштирганмиз», — дейди омадига ишонган инсон Рустам ака.

Маълумот учун, қаҳрамонимиз «Омад лотто» лотереясининг 501—тиражида 1, 36, 12, 24 ва 26 рақамларини белгилаган.

Барчага шундай ғолиблик насиб этсин!

Реклама ҳуқуқи асосида