«Xabar.uz» ахборот-таҳлилий портали ижодий гуруҳи тез орада Навоий вилоятига сафар қилиб, вилоят ва туман (шаҳар)лар ҳокимликлари мутасаддилари билан учрашади, вилоятда бораётган ўзгаришларни кўздан кечиради, шу билан бирга, жойларда ҳалигача учраётган камчилик ва муаммоларни яқиндан ўрганади, таҳририятга келиб тушган мурожаатларда кўтарилган масалаларга ечим топишга ҳаракат қилади.

Шу муносабат билан ўзингизни қийнаётган масалалар, ечимини топмаётган муаммолар, Навоийдаги мутасадди органлар ва уларнинг раҳбарлар томонидан йўл қўйилаётган сансалорлик, ноқонуний хатти-ҳакаратлари (ҳаракатсизлиги) ҳақида [email protected] электрон манзилига, «Telegram» орқали @xabaruzofficial_admini га ёзиб юборинг! Мурожаатингиз аниқ ва пухта бўлса, унда тилга олинган важларни асословчи ҳужжатлар, бу борада турли идоралар томонидан берилган жавоб хатлари (фотосурат ва видеофайллар ҳам бўлса, нур устига нур) илова қилинса, ушбу масалани қисқа фурсатда ўрганилишига замин ҳозирлаган бўласиз.