Корк университети коллежи олимлари депрессия аломатлари кузатилган ўрта ва кекса одамларда семириш хавфини аниқлашди. Бундан ташқари, у бошқа касалликларга ва турмуш тарзига боғлиқ эмас.

Тадқиқотчилар 1800 дан ортиқ катта ёшли кўнгиллиларининг соғлиғи ҳақидаги маълумотларни таҳлил қилиб, тана массаси индексини руҳий саломатлик кўрсаткичлари билан солиштиришган.

Иштирокчиларнинг ёши 46 ёшдан 73 ёшгачани ташкил этди. Барча кўнгиллилар ўзларининг тиббий маълумотларига киришга рухсат беришди ва гемоглобин ва глюкоза даражасини текшириш учун тестдан ўтишдан олдин бир кеча овқат истеъмол қилмадилар. 

Мутахассислар ақлий ҳолатдаги ўзгаришлар эркакларга қараганда аёлларда тез-тез кузатилади деган хулосага келишди. Семириб кетган кекса одамларда руҳий саломатликнинг ёмонлашиши ҳам ижтимоий, ҳам жисмоний омиллар билан боғлиқ деб тахмин қилинади. Буларга нотўғри қараш ва камситиш киради. 

Plos One журналида чоп этилган материалга кўра, семириш саломатлик муаммоларига – бел ва бўғимлардаги оғриқлар ва юрак-қон томир касалликларига олиб келиши таъкидланган.