Мўғулистон Ўзбекистонга кўпроқ гўшт етказиб беради

Бош саҳифа
Иқтисодиёт
Мўғулистон Ўзбекистонга кўпроқ гўшт етказиб беради

23.12.2022 20:58 0 1676

Фото: Xabar.uz

Мўғулистон 2022 йилнинг 10 ойида Ўзбекистонга 500 тонна гўшт ва гўшт маҳсулотлари етказиб берди ва унинг ҳажмини оширмоқчи. Montsame агентлиги ёзишича, бу ҳақда ушбу мамлакат қишлоқ хўжалиги вазири Хаянгаа Болорчулуун Ўзбекистон қишлоқ хўжалиги вазири Азиз Воитов билан ўтказилган онлайн-учрашувда маълум қилди.

Экспортнинг оширилишига сабаб — Ўзбекистон 2022 йил декабрида яна 9 та мўғул корхонасига импортга рухсат берган. Шу тариқа Ўзбекистонга гўшт ва гўшт маҳсулотлари экспорт қилувчи Мўғулистон компаниялари сони 26 тага етади.

Ўзбекистон томони гўшт етказилишини кўпайтириш учун Мўғулистонда ҳамкорликда чорвачилик фермаси яратишга қизиқиш билдирди. Икки мамлакат Мўғулистоннинг учта ғарбий вилоятидаги «ветеринария-санитария режимидаги соғлом зона»да ҳамкорлик қилишга келишди, дейилади агентлик хабарида.

Ўз навбатида, томонлар Ўзбекистон Мўғулистонга мева, резаворлар ва сабзавот етказиб беришига келишиб олган.

гўшт импорт Мўғулистон

Янгиликларни телеграм каналимизда кузатиб боринг

Ўхшаш янгиликлар

Маҳаллий 24/04, 17:52

Ўзбекистон импортида машина ва транспорт асбоб-ускуналари улуши етакчи

Иқтисодиёт 07/04, 18:33

Ўзбекистонга кофе импорти камайди

Иқтисодиёт 05/04, 22:20

Ўзбекистонга банан импорти кескин ошиб бормоқда

Жамият 02/04, 16:13

Талабга жавоб бермайдиган салкам 5 тонна товуқ гўшти аниқланди