Ҳиндистон Ўзбекистонга шакар ортилган машиналар карвонини юборди
Ҳиндистон илк бор Ўзбекистонга тижорат юкини Покистон ва Афғонистон орқали транзит қилиб жўнатди. 140 тонна юк (асосан шакар) ортилган машиналар карвони Кобулдан Тошкентга жўнаб кетди. Бунгача юк «Мумбай – Карачи – Торкҳам» йўналиши бўйлаб келган.
Юк жўнатилиши Ҳиндистон томонидан хусусий равишда ташкил этилган. Ўзбекистон ва Покистон ўртасидаги транзит савдоси тўғрисидаги келишув уни амалга ошириш имконини берди.
«Энди бу [транзит] мунтазам равишда амалга оширилади. Ўзбекистон Покистон портлари орқали исталган давлатдан маҳсулот олиб кириш имкониятига эга бўлади», — деди Покистон расмийси.
Эслатиб ўтамиз, имтиёзли савдо бўйича келишувлар тузилганидан сўнг Покистон Ўзбекистонга гўшт етказиб бера бошлаган эди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter