Андроид қурилмалар учун Xabar.uz мобил иловаси. Юклаб олиш ×

Бюджетнинг 5 фоизи жамоатчилик фикри асосида сарфланиши кўзда тутилмоқда

Бюджетнинг 5 фоизи жамоатчилик фикри асосида сарфланиши кўзда тутилмоқда

Фото:«Xabar.uz»

«Бюджет жараёнида фуқароларнинг фаол иштирокини таъминлаш бўйича қўшимча чора-тадбирлар тўғрисида»ги Президент қарори қабул қилинди.

2021 йил май ойидан 14 та туман (шаҳар)да бюджет харажатларининг 5 фоизи жамоатчилик фикри асосида шакллантирилган тадбирларни молиялаштиришга йўналтирилади.

Мазкур янги тартиб 2022 йил 1 январдан эътиборан республиканинг барча туман (шаҳар)ларида босқичма-босқич жорий этилади.

2021 йил 1 июлдан жамоатчилик фикри асосида шакллантирилган тадбирларни молиялаштиришга ажратиладиган туман (шаҳар)лар бюджетлари қўшимча маблағларининг энг кам миқдори 10 фоиздан 30 фоизга оширилади.

Шунингдек, жамоатчилик фикри асосидаги тадбирлар учун маблағлар «Фуқаролар ташаббуси жамғармаси»да тўпланади ва ундан бошқа мақсадларда фойдаланиш тақиқланади.

Туман ҳокимликлари жамоатчилик фикри асосидаги тадбирларни бюджетдан молиялаштиришга оид маълумотларни ҳар чорак бўйича расмий веб-сайтларига ва «Очиқ бюджет» порталига жойлаштиради.

Изоҳлар

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг