Тошкентда боланинг қўлини чиқариб қўйган тарбиячига жиноят иши очилди

Бош саҳифа
Ҳуқуқ
Тошкентда боланинг қўлини чиқариб қўйган тарбиячига...

Ҳуқуқ

27.12.2023 09:34 0 1614

Тошкент шаҳри, Яккасарой туманидаги «Kids dream baby house» мактабгача таълим муассасасида энага ёрдамчиси бўлиб ишлайдиган аёлга нисбатан жиноят иши очилди. Бу ҳақда Болалар омбудсмани хабар берди.

17 ноябр куни энага ёрдамчиси К.Ғ. каравотда ўтирган боланинг қўлидан тортиб, қўпол тарзда кўтарган. 18 декабр куни берилган тиббий экспертиза хулосасига кўра, боланинг қўли чиқиб кетган ва ўртача оғирликдаги тан жароҳати олган.

Энага ёрдамчисига нисбатан Жиноят Кодексининг 116-моддаси 1-қисми (Шахснинг ўз касбига нисбатан бепарволиги ёки инсофсизлик билан муносабатда бўлиши туфайли касб юзасидан ўз вазифаларини бажармаганлиги ёки лозим даражада бажармаганлиги оқибатида баданга ўртача оғир ёки оғир шикаст етказилиши) билан жиноят иши қўзғатилиб, айбланувчи тариқасида жалб қилинган. Ҳозир дастлабки тергов ҳаракатлари давом этмоқда.

боғча Болалар омбудсмани

Янгиликларни телеграм каналимизда кузатиб боринг

Ўхшаш янгиликлар

Ҳодиса 09/11, 21:51

Академик лицейдаги ҳодисага ойдинлик киритилди

Ҳуқуқ 02/11, 14:06

ДМТТ директори қўлга тушди

Маҳаллий 30/10, 10:01

Тошкентда 6 ёшли боғча тарбияланувчиси «қиз болача» кийинтириб рақсга тушишга мажбурланган

Ҳуқуқ 13/09, 09:24

Сирдарёда боғча боласи вафот этгани ҳолати юзасидан жиноят иши қўзғатилди

Изоҳлар