Боғча боласини калтаклаган «опа» иши ўрганиляпти – Тошкент вилояти ИИББ
Ижтимоий тармоқларда машғулот пайтида боғча боласини калтаклангани акс этган видеолавҳа тарқалди.
Тошкент вилояти ИИББ берган маълумотга кўра, Нурафшон шаҳридаги хусусий боғчаларнинг бирида содир бўлган ҳолат айни пайтда назоратга олинган.
«Ҳудудий ИИБ томонидан терговга қадар текширув ҳаракатлари олиб борилмоқда», – дейилади хабарда.
Тошкент вилояти мактабгача ва мактаб таълими бошқармаси билдирган расмий муносабатда эса жорий йил 2 апрель куни содир бўлган ушбу ҳолат ортидан тарбиячи М.М. билан тузилган меҳнат шартномаси бекор қилингани ва ишдан четлатилганини билдирди.
Қўшимча қилинишича, болаларга шикаст етмаган.
Эслатиб ўтамиз, юқоридаги ҳолат каби воқеа аввалроқ, Самарқанд вилояти Пайариқ туманидаги боғчаларнинг бирида ҳам содир бўлган ва унда ҳам тарбиячи билан тузилган меҳнат шартномаси бекор қилинган эди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter