Ёш олим ЙТҲда ҳалок бўлди
Ёш олим, биология фанлари доктори Санжар Шеримбетов Оролга экспедиция пайтида автоҳалокат натижасида вафот этган. Бу ҳақда унинг дўсти Рустам Ашуров хабар берди.
«Эрталабдан нохуш хабар. Яқин дўстимиз, олим инсон, биология фанлари доктори Шеримбетов Санжар Гулмирзоевич Оролга экспедиция пайтида автоҳалокат натижасида вафот этди. Санжар жуда хушчақчақ ва самимий инсон сифатида яқинларининг ёдида қолади», деб ёзган Ашуров.
Xabar.uz манбасининг айтишича, шу ЙТҲда бир талаба ва бир катта ёшли одам оғир жароҳат олган.
Айни пайтда кўплаб олимлар Оролбўйи ҳудудларида тажрибалар ўтказмоқда.
Эслатиб ўтамиз, 2021 йилда ёш журналист Саид Махсумов ҳам хизмат сафари чоғида ЙТҲ қурбони бўлганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter