Яшнободда 4 қаватли мебель ишлаб чиқариш биноси ёнди
Бугун, 11 март куни соат 13:07да Тошкент шаҳар Яшнобод тумани, Оҳангарон кўчаси «Мебель-конфурмус» МЧЖ ҳудудидаги «Велвут» МЧЖга қарашли 4 қаватли мебель ишлаб чиқариш биносида ёнғин содир бўлган. Бунинг оқибатида, тахминан 250 кв.м. майдон ёнган. Бу ҳақда ФВВ хабар бермоқда.
Мазкур ҳодисани бартараф этиш мақсадида, Тошкент шаҳар фавқулодда вазиятлар бошқармасининг 6 та ёнғин ўчириш экипажи жалб этилган. Ёнғин-қутқарув гуруҳлари соат 13:11 да воқеа жойига етиб борган. Қутқарувчиларнинг олиб борган тезкор ҳаракатлари натижасида соат 13:57да аланга тўлиқ ўчирилган. Мазкур вазиятда жабрланган ва ҳалок бўлган инсонлар аниқланмаган.
Айни дамда ёнғин сабаби ва зарари аниқланмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter