Туркистонда чўпон мингдан ортиқ қўйи билан бирга ҳалок бўлди (видео)
Қозоғистоннинг Туркистон вилоятида ёнғин оқибатида 1000 дан ортиқ қўй нобуд бўлди. Воқеа ҳақида Қозоғистон ФВВ матбуот хизмати хабар берди.
Бугун, 31 январь куни соат 7:15 да 101 хизматига Байдибек туманидаги Алгабас қишлоғидан 5 километр нарида, деҳқон хўжалиги ҳудудидаги чорва учун мўлжалланган икки қаватли қурилмада ёнғин содир бўлгани ҳақида хабар келиб тушган.
Бинонинг биринчи қаватида қўйлар, иккинчи қаватида ем-хашак сақланган.
Ёнғин оқибатида жами 1150 бош қўй нобуд бўлиб, 150 тонна тойланган пичан ёниб кетган. Қутқарувчилар ҳалок бўлган чўпоннинг жасадини ҳам топишди.
Аввал мингдан ортиқ қўйни «еб кетган» туркистонлик чўпон ҳақида ёзгандик.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter