Тошкентдаги «Чорсу» бозорида ёнғин содир бўлди
Пойтахтнинг «Чорсу» бозорида содир бўлган ёнғин ҳақида Фавқулодда вазиятлар вазирлиги маълумот берди.
28 июн куни соат 01:12 да Тошкент шаҳрининг Шайхонтоҳур тумани, Беруний кўчасида жойлашган «Чорсу» бозори ҳудудидаги савдо дўконларида ёнғин содир бўлаётгани тўғрисида ФВБга хабар келиб тушган.
12 та ёнғин-қутқарув экипажи соат 01:17 да воқеа жойига етиб бориб, ёнғин соат 02:22 да қуршаб олинган ва ёнғин соат 02:47 да тўлиқ бартараф этилган.
Ёнғин оқибатида вафот этган ва тан жароҳати олганлар тўғрисида хабар келиб тушмаган. Вазият тўлиқ назоратга олинди, дейилади хабарда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter