Нидерландия-Аргентина ўйинини бошқарган ҳакамга «қизил карточка» берилди
![Нидерландия-Аргентина ўйинини бошқарган ҳакамга «қизил карточка» берилди](https://static.xabaruz.com/crop/1/9/720_460_95_1948676305.jpg)
Антонио Мигел Матеу Лаос Қатардаги мундиалнинг қолган ўйинларини бошқармайди. Испаниялик ҳакам турнир якунига етмасидан аввал четлатилди, деб ёзди Cope нашри.
Матеу Лаос Испанияга қайтиб кетган.
Нидерландия ва Аргентина ўртасидаги 1/4 финал (2:2, пеналтилар серияси бўйича 3:4) унинг учун ЖЧ-2022 даги сўнгги ўйин бўлди. Ўша ўйинда испан ҳаками футболчиларга рекорд даражада кўп — 17 та сариқ ва битта қизил карточка кўрсатди, беллашув тугаганидан сўнг ҳар икки томон футболчилари ундан норози эканликларини билдиришди.
Умуман, Аргентина-Нидерландия баҳсида кўп сонли тўқнашувлар фақат тўп учун бўлмаганини кўрдик. Лаосни шунда ҳам айблашди — ўйин тизгинини қўлдан бериб қўйган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter