Ўзбекистонда Хитой электромобиллари ишлаб чиқариладими? «Ўзавтосаноат» BYD компанияси билан келишув имзолади
«BYD Han» электромобили.
«Ўзавтосаноат» Хитойдаги электромобиллар ишлаб чиқарувчи энг йирик компания — BYD билан келишув имзолади. Бу ҳақда «Ўзавтосаноат» бошқаруви раисининг иқтисодиёт бўйича ўринбосари Азиз Шукуров бугун, 17 февраль куни ишбилармонлар тармоғи — «LinkedIn»даги ўз аккаунтида хабар қолдирди.
«Бугун биз Хитойнинг энг йирик электромобиль ишлаб чиқарувчиси BYD компанияси билан келишув имзоламоқдамиз. Электромобиллар келажагига дастлабки қадам», — деб ёзди Шукуров.
Азиз Шукуров тафсилотларга тўхталмаган.
Хитойнинг BYD компаниясига 1995 йили хитойлик Ван Чуанфу асос солган. Компания дунёдаги энг йирик автомобилсозлардан бирига айланган: кам литражли машиналар, седанлар, бизнес-классдаги машиналар, кроссоверлар, гибрид авто, электрокарлар ва электробуслар ишлаб чиқаради. Ҳозирда жаҳон электромобиллар бозорида 9 фоиз улуш билан 4-ўринга кўтарилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter