Андроид қурилмалар учун Xabar.uz мобил иловаси. Юклаб олиш ×

Хитой Японияни радиоактив сувларни денгизга оқизмасликка чақирди

Хитой Японияни радиоактив сувларни денгизга оқизмасликка чақирди

Фото: «Хабар 24»

Хитой ҳукумати Японияни радиоактив сувларни денгизга оқизмасликка, умуман, Фукусима-1 атом станцияси атрофидаги ишларни тўхтатишга чақирди. Хитойнинг баёнотини ташқи ишлар вазирлиги расмий вакили Ван Вэнбин брифингда эълон қилди.

Яқинда Tokyo Electric Power Company (Япония) Фукусима-1 АЭСдан бир километр олисликда денгиз тубини чуқурлаштириш ишларини бошлашини эълон қилганди.

Маълум бўлишича, радиоактив ифлосланган сувни ташлашга мўлжалланган сув ости туннелини қуриш учун экскавацион ишлар (денгиз туби тупроғи олиниши) амалга оширилади.

Соҳилларини Тинч океани сувлари ювиб турувчи мамлакатлар, жумладан, Хитой Япониянинг ушбу қароридан жиддий ташвишга тушган.

Изоҳлар

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг