Усама бин Ладеннинг жияни Путин-Байден саммити вақтида норозилик намойиши ўтказди (фото)
«Ал-Қоида» террористик ташкилотининг собиқ раҳбари Усама бин Ладиннинг жияни Нур бин Ладен Женевадаги Россия-Америка саммитида якка норозилик намойиши ўтказди. Бу ҳақда The Hill нашри хабар қилди.
Нур бин Ладен қайиқда, қўлида АҚШ собиқ президенти Доналд Трамп сайловларда ғалаба қозонгани ҳақидаги сўзлар ёзилган плакат билан пайдо бўлган.
Ҳолат видеоёзуви Recount нашрининг Twitterдаги саҳифасида эълон қилинган. Кадрларда Усама бин Ладеннинг жияни «Трамп ғалаба қозонди» деган плакатни кўтариб олганини кўринади.
The Hill нашрининг ёзишича, Нур бин Ладен Трампнинг фаол тарафдори. Швейцария полициясининг уни ҳибсга олиш ҳақидаги таҳдидларига қарасдан, бир неча кундан бери Женевада намойиш ўтказмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter